Phir kya hoga uske baad
Ravi se ujjwal shashi se sunder
Nav kislayadal se komaltar
Vadhhu tumhari ghar aayegi
Us vivah utsav ke baad

Palbhar mukh pe smeet ki rekha
Khel gayi phir maa ne dekha
Utsuk ho kah utha kintu wo
Phir kya hoga uske baad

Phir nabh ke ye nachhatr manohar
Swarg lok se utar utar kar
Tere shishu banne ko mere
Ghar aayenge uske baad

Mere naye khilone lekar
Chale na jayen wo apne ghar
Chintit ho kah utha kintu wo
Phir kya hoga uske baad

Ab maa ka ji oob chukka tha
Harsh saranti me doob chukka tha
Boli phir main budhi hokar
Mar jauingi uske baad

Ye sunkar bhar aaye lochan
Kintu ponchkar use usi chhan
Utsuk ho kah utha phir wo
Phir kya hoga uske baad
Kavi ko balak ne sikhlaya
Such dukh hai palbhar ki maya
Hai anant ka tatv prashn ye
Phir kya hoga uske baad.